Өскемен мен ШҚО Өскемен қаласының тәртіп сақшылары суицидтің алдын алды
Куәгерлер болған оқиғаны бейнежазбаға түсіріп алып, тәртіп сақшыларының ерлік әрекетін әлеуметтік желіге таратты
19 маусым күні 18.00 шамасында ШҚО ПД патрульдік полиция батальонының қызметкерлері Дәурен Саяқов пен Нұрсұлтан Кеңесов Жеңіс даңғылы жақтан Сәтпаев даңғылына қарай келе жатқан. Ертіс көпірінен ер адамды байқап қалған. Ол тіпті көпір жақтауының арғы жағына өтіп алған, ал жан-жағын қаумалаған халық оны ойынан айнытуға әрекет еткен.
- Қызметкерлер жағдайды бақылап, дереу жоспар құрған, - деп хабарлайды мекеменің баспасөз қызметі. - Нұрсұлтан Кеңесов пен өзге адамдар азаматты алдарқатып тұрғанда, Дәурен Саяқов жүгіріп келіп, қолынан ұстап қалған. Кейін азаматты шығарып алды.
28 жастағы азамат ішімдікке мас болған екен. Тәртіп сақшылары өз өміріне балта шаппақ болған азаматты жедел топқа тапсырған.
Следующая →
