Өскеменде мұражай қорықта өсірілген марал мен еліктер далаға жіберілді

Атап айтқанда, төрт марал мен үш елік жіберілді. Облыстық мұражай қорық пен Жедел әрекет ету отрядының қызметкерлері жабайы жануарларды арнайы көлікке тиеп, Сібе көлдерінің маңына апарып босатқан.

- Сібе көлдерінің маңында аң атуға тыйым салынған. Сондықтан осы жерге жіберілді. Оның үстіне, бұл жердің шөбі шүйгін, - дейді отряд басшысының орынбасары Василий Ткаченко.

Василий Ильичтің айтуынша, бұл маңайдағы шаруа қожалық иелерімен маралдар мен еліктер жем-шөп беріп, қамқорлық танытуға келісім жасаған.

Қазір Өскемендегі жануарлар бағында тоғыз елік пен жеті марал қалды.