Гагарин бульварындағы аллеяда жүру қауіпті

Қала тұрғындары Гагарин бульварындағы аллеяда жолға төселген плиткалар түсіп кетіп, орнында үлкен шұңқыр пайда болғаны туралы бейнежазбаны әлеуметтік желіде таратқан

Тұрғындар бұл аллеяда жүрудің өзі қауіпті екенін, өйткені аяқ астындағы жердің тесіліп қалуынан қорқатындықтарын жазуда.

- Бұл шұңқырға бала түсіп кетсе ше? - деген сауал қояды тұрғындар.

Шынымен де, жүгіріп бара жатқан бала оп-оңай үңірейіп тұрған тесікке аяғы кіріп, жарақат алуы мүмкін ғой. Бірақ енді қорқатын дәнеңе жоқ.

- Онда су құбырының құдығы бар. Су ағызып, ондағы тақтайшалар түсіп кеткен, - деп түсіндірді "Өскемен-Тәртіп" мекемесінің баспасөз хатшысы Владимир Землянский. – Ол жерде жөндеу жұмыстары жүргізіліп, барлығы ретке келтірілді.

Тақырыптар: Благоустройство Усть-Каменогорска Коммунальные службы Усть-Каменогорска Аллея на бульваре Гагарина