Өскемен мен ШҚО Өскемендіктер мен ШҚО тұрғындары Масленица мерекесін атап өтті
Шығыс Қазақстан облысының барлық қалалары мен аудандарында халықтық серуен және мерекелік концерттер өтті
Қала тұрғындары және облыс орталығының қонақтары қыс мезгілін шығарып салуға Ертіс жағалауындағы амфитеатрда жиналды.
Балалар мен ересектер үшін облыстық Достық үйі-қоғамдық келісім орталығы этномәдени бірлестіктерінің шығармашылық ұжымдарының қатысуымен концерттік – ойын-сауық бағдарламасы дайындалды. Сондай-ақ, қала тұрғындарына түрлі ойындар, сайыстар мен спорттық сайыстар ұйымдастырылды.
- Масленица славян мерекесі болғанына қарамастан, оны түрлі этностардың өкілдері қуана-қуана атап өтеді. Осындай іс-шаралар Тәуелсіз Қазақстан халқының бірлігін, келісім мен достықты нығайту үшін маңызды рөл атқарады, - деп атап өтті облыстық Достық үйі-қоғамдық келісім орталығының директоры Эльдар Төлеубеков.
