Өскемен мен ШҚО Өскемен қаласының әкімі ерекше акция жариялады
Жақсылық Омар өзінің әлеуметтік желідегі парақшасында азаматтардың өмірін жақсартуға септігі тиіп жүрген жандар туралы жазба жариялай бастамақ
Қала әкімі өз оқырмандарына Өскемен қаласының дамуына өзіндік үлестерін қосып жүрген жандар туралы жазуды мақсат еткен жобасын жүзеге асырмақ ниетте екенін танытты.
Ең алғашқы болып "Өскемен Водоканал" МҚК қызметкерлері Жандос пен Естай туралы жазба жарық көрді.
- Осы сынды адамдардың күшімен Байбатчина көшесі бойындағы “Балапан" балабақшасы маңында су құбырларын тарту жұмыстары жүргізілуде, - деді Жақсылық Омар. - Сурет кеше аты аталға аумаққа барған уақытта түсірілген.
