Өскемен мен ШҚО Өскемен қаласының тұрғындары автобусты енді ұзақ күтуге мәжбүр болмайды
Облыс орталығында нақты уақыт режимінде маршрут бойынша қозғалысты қадағалаудың мүмкіндігі пайда болды
Биыл көлік секторын цифрландыру басталады, деп хабарлайды Устинка LIVE.
МЖӘ шеңберінде "Қалалық жолаушылар тасымалы үшін ақпараттық-диспетчерлік жүйені құру арқылы Өскемен қаласында қоғамдық көлікті басқару және төлеудің автоматтандырылған жүйесін енгізу" жобасы іске асырылатын болады.
- Тұрғындар нақты уақыт режимінде маршрут бойынша қозғалысты қадағалай алады және тиісінше автобус аялдамасында күту уақытын есептей алады, - деп түсіндіреді Шығыс Қазақстан облысының жолаушылар көлігі және автомобиль жолдары басқармасының бастығы Нұржан Жұмаділов. - Жүйе барлық қоғамдық көлік бағыттарын, соның ішінде трамвайларды қамтиды. Қалада тек 57 маршрут.
Естеріңізге сала кетейік, биылғы жылы Өскеменде Еуропалық қайта құру және даму банкінің есебінен сатып алынатын 85 жаңа заманауи автобус пайда болады.
Бұдан басқа, Семей қаласына "Қазақстанның Даму Банкі" АҚ есебінен отандық "СемАЗ" ЖШС өндірушісінен 170 автобус сатып алынады. Бұған облыстық бюджеттен 620 млн теңге немесе жалпы қаржыландырудың 15% -ы бөлінді.
