Өскемен мен ШҚО Өскеменде өрт азаймай тұр
Өскемен қаласының Төтенше жағдайлар басқармасының хабарлауынша, өткен жылы қалада өрттің себебінен 22 адам көз жұмған
2019 жыл басталмай жатып 15 өрт болып үлгерді. Құтқарушылар мен тәртіп сақшыларының жүргізген түсіндіру жұмысына қарамастан, өрттің шығуына дәл адамдардың өздері себеп болып отыр. Мамандар үй-үйді аралап, пешті қалай жағу керектігін, электр құрал-жабдықтарын пайдалану мен датчиктерді қолдану керектігін түсіндіріп жүр.
- Жылыту маусымының басталуына байланысты мамандар түсіндіру жұмыстарын күшейте бастады. Бірақ кейбір тұрғындар форма киген мамандарды көріп есік ашпай қояды. Біздің мақсатымыз өрт жайлы айтып қана қоймай, үйдің ішін қарап, жағдайын бағалау ғой. Кемшіліктер болса, үй иесіне айтып, қауіптің алдын алуға болады, - дейді Өскемен қаласы ТЖБ баспасөз хатшысы Марина Лискова.
