Олимпиада чемпионы Алексей Ягудиннің қатысуымен балалар мұз шоуы өтті

Кезекті есеп беру кешінің орнына Өскемендегі жас мәнерлеп сырғанаушылар үшін Б. Александров атындағы Спорт сарайы аренасында ірі мұз шоуы өтті. "Қар ханшайымы" ертегісіне қатысу үшін қалаға ресейлік танымал мәнерлеп сырғанаушы, Олимпиада чемпионы және әлемнің төрт дүркін чемпионы Алексей Ягудин ұшып келді.

- Бүгінгі шоу туралы ой өткен жылғы есеп беру кеші кезінде келген, - дейді ШҚО Конькимен мәнерлеп сырғанау федерациясының жетекшісі Галина Романюк. - Тұрғындардың қызығушылығын ескердік. Ал шоу ұйымдастыру туралы идеяны "Қазмырыш" компаниясы қолдап, залды жалға алу және танымал тұлғаны шақыру сұрақтарын шешіп берді. Алексей Ягудиннің өзі де бұл бастамаға қуана жауап берді.

Қойылымның басты қаһармандары - Мәнерлеп сырғанау федерациясының 4-тен 12 жасқа дейінгі тәрбиеленушілері. Жалпы көрермендердің де дені осы жастағылар болды. Ұйымдастырушылар билеттерді балабақшалар, шағын орталықтар мен мектептерде және балалар үйлеріне таратқан.

- Спорт сарайының трибунасына 4,5 мың адам сияды және билеттер қалмады, - дейді Галина Владимировна.

Алғашқы ірі шоуда мәнерлеп сырғанаушыларға сәтілік тілеу үшін "Қазмырыш" компаниясының өкілдері де келген.

- Біздің компания спорт пен салауатты өмір салтын қолдайды, - деп атап өтті "Қазмырыш" компаниясының әкімшілік сұрақтар бойынша атқарушы директоры Андрей Лазарев. - Бұл бастамаларға өскелең ұрпақтың қызығушылық танытып отырғаны қуантады. Ал бүгінгі шоуға келгендердің саны мен қазағушылық тудырғанына қарап, қалада тек футбол мен хоккейден өзге, түрлі спорт түрлері танымал болып келе жатқандығы байқалады. Мәнерлеп сырғанау - әдемі спорт түрі.