Өскемен мен ШҚО Өскеменде бірнеше пәтерді тонап кеткен ұры ұсталды
Пәтер тонауды "кәсіпке" айналдырған ұры пластик терезелерді "әдістеп" ашып жүрген
Арызданушылардың бірі желтоқсан айының соңында пәтеріне ұры түсіп, 5 млн теңге мен зергерлік заттарды қолды қылғанын айтқан. Арызданып келген тағы бір тұрғынның да үйі дәл осы уақытта тоналып кеткен екен.
Өскемен Полиция басқармасының қызметкерлері куәгерлермен сөйлесіп, бейнебақылау камераларын тексере жүріп, ұрлыққа қатысы бар 42 жастағы күдіктіні ұстаған.
- Қазіргі уақытта ұры бес пәтерді тонады деген айып тағылып отыр. Барлығы 8 млн теңге жуық шығын келтірген. Қазір уақытша ұстау изоляторында, - дейді ШҚО ПД Криминалды полиция басқармасының басшысы Нұркен Көпжасаров.
Полиция басшысының айтуынша, ұсталған күдіктінің қазіргі уақытта басқа ұрлықтарға қатысы бар ма, жоқ па, сол жағын анықталып жатыр.
Следующая →
