Өскемен мен ШҚО Мереке күндері Өскеменде 9 өрт оқиғасы болды
30 желтоқсан мен 3 қаңтар күндері Өскеменде көлік, мойынша, үй мен балкон өртену оқиғалары болды
Мамандардың айтуынша, бұлардың барлығы пиротехниканың кесірінен өртеніп кеткен.
Бұл күндері төрт үй мен үш балкон өртенген. Мәселен, пешке салақ қараудың кесірінен Декабрист, Жаңажол, Попова мен "Металлург-5" бау-бауқша бірлестігінің жер үйлері өртенді.
Ал жаңа жыл түні отшашудың кесірінен Протозанов көшесінде орналасқан бес қабатты үйдің бесінші қабатындағы балкон өртеніп кетті. Үйдің бүкіл кіреберісін түтін басып, алты адам сыртқа шығарылды. Ал пәтердің өзінен төрт адам эвакуацияланған, оның ішінде екеуі – бала.
Дәл осы оқиғадан кейін 15 минуттан соң, Астана мен Қазақстан көшелерінде орналасқан пәтерлердің де балконында өрт шыққан.
- Аулада атылған фейерверктің ұшқыны келіп балконға түскен, өрт содан шыққан, - дегенді айтады Өскемен қаласы ТЖБ баспасөз қызметі.
Ал Уәлиев көшесінде тұрақта тұрған Лада көлігінің түгі қалмай өртеніп кетті. Құтқарушылар оқиға орнына келгенше көліктің темір қаңқасынан басқа ештеңесі қалмаған.
