Өскемен мен ШҚО Облыста тиімді жұмыс жасаған білім бөлімдері анықталды
ҚР Тәуелсіздік күніне орай, қосымша білім беру бағдарламасын жүзеге асыру бойынша білім бөлімдері арасында мониторинг жасалды
Білім бөлімдері келесі жұмыстары бойынша бағаланды: оқушыларды қосымша білім берумен қамту, спорт секцияларына жұмылдыру, жазғы демалысты ұйымдастыру, байқауға қатысу деңгейі, мекеменің әдістемелік жұмыстарға қатысуы.
ШҚО Білім басқармасының қосымша білім беру және дене шынықтыру мәдениеті орталығының мәліметтеріне сүйенсек, жүргізілген мониторинг бойынша гран-приді Семей қаласының білім беру бөлімі алса, бірінші орынды Өскемен қаласының білім беру бөлімі, екінші орынды Глубокое ауданының, үшінші орынды Күршім ауданының білім беру бөлімдері алған.
Облыстық білім басқармасының басшысы Сайрангүл Жұмаділованың айтуынша, қосымша білім беру өсіп келе жатқан жас ұрпақтың жан-жақты болуына, құзіретті болуына үлкен әсер етеді.
- Балаларды сабақтан тыс уақытта да дамыту білім беру жүйесінің басты бағыты болып отыр. Бұл жағынан Шығыс Қазақстан облысы елде алдыңғы орындарда, - дейді Сайрангүл Ахметкәрімқызы.
