Зырянда балаға шабуыл жасаған әйелді іздестіруде

Бұл келеңсіз жағдай өткен сәрсенбі күні Мәдениет және спорт сарайы маңында орын алған. Жақын маңда ілінген бейнебақылау камерасы әйелдің оқушыға тап бергенін жазып алған.

Жазбада анық көрінгендей, әйел баланың жанына келіп, итеріп жіберген. Ал оқушы құлап қалған. Бірнеше секунд өткеннен кейін есін жиған бала қаша жөнелген.

Баланың ата-анасы бейнежазбаны әлеуметтік желіде таратып, сол әйелді тауып алуға үмітті.