Өскемен мен ШҚО ШҚО тұрғындары Ертісте сирек кездесетін бірқазанды құтқарып қалды
ШҚО-дағы Шүлбі су қоймасында қызыл кітапқа енген бұйра бірқазандар мұзға түсіп, мерт бола жаздады
Жергілікті тұрғындар мен жергілікті орман шаруашылығының қызметкерлері көмекке келгенде, қанаттылар әрең қимылдап жатты, деп хабарлайды Устинка LIVE.
Алайда бірқазандар әлсіздікке қарамастан, өздеріне жақындауды қаламаған. Оларды құтқару үшін ауыл тұрғындары Шығыс Қазақстан облысы Табиғи ресурстар басқармасына өтініш жасады. Ормандарды қорғау бөлімінің инспекторлары оқиға орынынакеліп, Шемонаиха орманшылары және полиция қызметкерлерімен бірге құстарды ұстады.
- Құстарға зиян келтірмеу үшін, оларды таза тормен ұстап, сөмкеге салып қойдық, - дейді Семей Орманы қорының қызметкері Петр Куркачев. - Бұлар қарапайым құстар емес, сирек кездесетін бірқазанның өкілдері. Олар біздің аймақта өте сирек кездеседі. Шемонаиха АПБ қызметкері Руслан Қойшыбаевтың айтуынша, қазір құстардың жағдайы жақсы.
Бірқазандар қыста аман қалуы үшін оларды Өскемен хайуанаттар бағына уақытша жөнелтті.Ал көктемде олар табиғи ортада қайтадан босатылатын болады.
Следующая →
