Өскемен мен ШҚО ШҚО-да әлеуметтік дүкендер ашылады
Шығыс Қазақстанда керекті азық-түлік түрлерін арзан бағамен сататын әлеуметтік дүкендер ашылмақ
Өскемен мен Семей қалаларында 5 қарашадан бастап тұрақтандыру қорының тауарлары арзан бағамен сатыла бастаған болатын. Мұндай дүкендер мен дүңгіршектерде сәбіз, картоп, қызылша, сарымсақ сынды көкөністер ғана арзан бағамен сатыла бастаған болса, енді мұнда ұн, күріш, қант пен тұз сынды азық-түлік түрлері де сатыла бастамақ.
Қазіргі уақытта Семей қаласында Шуваев көшесі, 153/3 мекенжайында орналасқан "Сфетофор" қойма-дүкенінде әлеуметтік дүкен жұмыс жасауда. Мұнда ұн, шұжық, кәмпит, балық, дәнді-дақылдар арзан бағамен сатылуда.
Сонымен қатар Семейде Ш.Уәлиханов көшесі, 149-үйде орналасқан "Тамаша" супермаркеті бар. Мұнда да қант, дәнді-дақыл мен макарон өнімдерін арзан бағамен алуға болады.