Өскемен мен ШҚО Өскеменнің мектеп оқушылары мүгедектерді
№16 орта мектеп оқушылары мен жас қозғалыс инспекторлары облыс орталығында ересектерді мүмкіндігі шектеулі жандарға мұқият көңіл бөлуге шақырып, акция өткізді
Балалар қаладағы автобус аялдамаларын "Мүгедектің орнын алсаң, оның дертін де ал" деген ұранмен аралап шықты.
Жас инспекторлар қоғамдық көліктердегі алдыңғы орындар балалы жолаушылар мен мүмкіндігі шектеулі жандарға арналғандығын ескертіп, аралап шықты. Сонымен қатар, автобус жүргізушілерін де назардан тыс қалдырмады. Жол қозғалысы ережелерінен үзінділер оқып, "Мүгедек" қосымша жол белгілерін көрсетті.
- Қоғамның осы тобының жолдағы қозғалыс қауіпсіздігін қамтамасыз ету бойынша профилактикалық жұмыстар жоспарлы түрде жүріп жатыр, - деп атап өтті Жергілікті полиция басқармасының инспекторы Айгүл Белгібаева. - Әрине, барлық мәселені бір ғана акциямен шеше салу оңай емес. Мүмкіндігі шектеулі жандарға ортаның қолжетімділігін бірлесіп қамтамасыз ету керектігін әр азаматтың санасына жеткізе білу керек.
