Өскемен мен ШҚО ШҚО-та Тұңғыш Президент күні мерекесінде 30 сәби дүниеге келді
Өскемен қаласында 1 желтоқсан күні түнде үш егіз бала дүниеге келді: бірі – ұл мен қыз болса, екеуі – егіз қыздар
Ал дүниеге келген екі ұлға Нұрсұлтан есімі берілді.
- Менің төрт қызым бар. Енді ұлым дүниеге келіп отыр, салмағы – 3,6 келі. Ұлымның болашағы үлкен боларына сенімім мол. Бейбіт заманда өмір сүріп жатқанымыз үшін Елбасына алғыс айтамыз, - дейді ұлына Нұрсұлтан есімін берген Айнұр Қобланова.
Владимир мен Дарина есімді егіздердің анасы Екатерина да Елбасына алғыс білдіріп, Қазақстан қоғамының ауызбіршілікте болуына мемлекет басшысының рөлі зор екендігін атап өтті.
Ал егіз қыздарға Әсел мен Әсем, Еркем мен Көркем есімдері берілген екен.
ШҚО Ақпарат орталығы хабарлағандай, Тұңғыш Президент күні дүниеге келген балалардың анасына сыйлықтар берілген: ойыншықтар, кереует, бесік арба, дәрі-дәрмектер.
- Елбасымыз ана мен бала денсаулығына үлкен мән беруде. Аудан-ауданда осы күні дүниеге келген сәбилердің барлығына бағалы сыйлықтар берілетін болады, - дейді ШҚО әкімінің орынбасары Әсем Нүсіпбекова.
