Өскемен мен ШҚО Өскеменде құбырлардың апаттық жағдайын анықтайтын бірегей зертхана пайда болды
Заманауи технологиялар Өскемен су желілері мамандарына апатты уақтылы анықтауға мүмкіндік береді
Судың ағуы көп жағдайда бірден байқала бермейді де, жер асты суына кете береді. Жылдар бойы ешкім көрмеген құбырдағы тесік ақыры үлкен шығынға соқтырады.
Қазір бұндай ақауларды анықтау оңай. Жаңа құрылғылар 30 см радиустан апат орнын нақты анықтайды.
- Бізде 30 дыбыс логгерлері бар, - дейді "Өскемен Водоканал" кешенді автоматтандыру қызметінің басшысы Игорь Чернов. - Белгілі бір аумақта қысым азайғаны байқалса, таң атпай ерте сағат 4-те оларды құдықтарға қондырамыз. Әрқайсысы 400 метрге дейінгі радиуста шу дыбысын анықтайды.
Нәтижесінде логгер аумақты 10 шақырымда "тыңдай" алады. Мәліметтерді алып, талдайды.
Ары қарай іске сезімталдығы жоғары микрофон келеді. Ол тесілген орынды нақты анықтайды. Осылайша қаржы мен күшті үнемдеп, апат орнын тауып, оны жөндеуге болады.