Өскемен мен ШҚО Өскемен қаласының әкімдігі қараусыз қалған хоккей алаңдарының мәселесін шешпек
Қараусыз жатқан хоккей алаңдарының бірі Жас техниктер стансасына бекітілмек
Қала әкімімен кездесу кезінде тұрғынжар Славский ат. жағалау, 22 мекенжайының алдында тұрған хокке алаңы туралы сұрақ көтерді.
- Бұл хоккей алаңында талай қызықты шақтар өтті. Онда №31 мектептен “Колосқа” дейінгі балалар ойнайтын еді. Қыстыкүні келетін балалар саны қазіргі "Алтайға" баратындардан да көп еді, - деп еске алады тұрғын Дмитрий.
Анықталғандай, нысан ешбір ұйымға тіркелмеген. Сондықтан да спорттық нысанның күтімі мен жөндеу жұмыстарына жауапты ешкім жоқ.
Ал Өскемен қалалық әкімдігінің баспасөз қызметі ұсынған ақпараттарға сүйенсек, бұл хоккей алаңдарын білім бөлімінің балансына алуға заң рұқсат етпейді. Өйткені жақын маңдағы №3 мектептің балансында бір хоккей алаңы тіркеліп қойған.
- Қазіргі уақытта нысанды Жас техниктер стансасына бекіту мүмкіндігі қарастырылып жатыр, - деп хабарлады Өскемен қаласы әкімдігі.
