Өскемен мен ШҚО Өскемен қаласындағы оқушыларға жол жүру ережелері түсіндірілді
Республикалық жол қозғалысы қауіпсіздігі апталығы аясында қаланың тәртіп сақшылары балаларға жарық шағылыстыратын заттар берді
Автокөліктер жүретін жолдарға жақын орналасқан қала мектептерінде балалардың жол-көлік оқиғалары салдарынан жарақаттануының алдын алу мақсатында "Айқын бол!" акциясы өтті.
ШҚО ПД баспасөз қызметі хабарлағандай, ювеналды полиция қызметкерлері балаларға жарық шағылыстырғыш смайликтер тарту етіп қоймай, жаяу жүргіншілер жолағынан өту кезінде қауіпсіздік шараларын сақтаудың маңыздылығын көрсетті.
Тәртіп сақшыларының бұл бастамасын ата-аналар да қолдады. Жарық шағылыстыратын заттарды балаларының киімдеріне тағып берді.
ШҚО ПД ақпараттарына сүйенсек, қараңғы уақыттарда орын алған 8 ЖКО тіркеліп, одан 11 бала зардап шеккен.
