Өскемен мен ШҚО Өскеменде такси жүргізушісін өлтірді деген күдікпен ер азамат ұсталды
Тәртіп сақшылары қазір ауыр қылмысқа қатысты тергеу амалдары жасалып жатқанын мәлім етті
Алтай Қалиев 30 қазан күні түнде үйден шығып кеткені күні қайтып оралмаған болатын. Туған-туыстары да оның қайда кеткенінен бейхабар. Бәрі аяқтан тік тұрып, іздеу жарияланды.
- 31 қазан күні Өскемен қаласының Полиция басқармасына 55 жастағы ер адамның жоғалып кеткені жайында арыз келіп түсті. Арызға қатысты іздеу ісі ашылды. Жедел іздестіру шаралары барысында жоғалып кеткен азаматтың қаза тапқаны белгілі болды, - дейді ШҚО ПД баспасөз қызметі.
Қазіргі уақытта адам өлтіру ісі бойынша қылмыстық іс ашылып, тергеу амалдары жасалуда.
- Ауыр қылмыстың анық-қанығы анықталуда. Іске қатысы бар деген күдікпен Өскемен қаласының 25 жастағы азаматы ұсталды, - дейді мекеменің баспасөзі.
