Өскемен мен ШҚО Өскемен қаласының тұрғындарын өртсөндіру сатысы шошытқан
Қала тұрғындары темір конструкция қабырғадан құлап, машиналар мен жолаушыларға түсіп кетуі мүмкін деп алаңдайды
Тәуелсіздік даңғылы, 78 мекенжайында орналасқан үйдің сенімсіз құрылымы бейнеленген фото бір күн бұрын әлеуметтік желіде пайда болған, деп хабарлайды Устинка LIVE. Әлеуметтік желі пайдаланушыларының кейбіреуі қатты алаңдаушылық танытып жатса, ал қалған жартысы сатының бұлай тұрғанына жарты жылдан асқандығын пайымдауда. Ал, тіпті, кейбіреулер сатының бұлай тұрғанына 20 жыл болғанын айтуда.
- Егер онда расымен де мәселе бар болса, онда ол сатымен сол үйге қызмет көрсететін ПИК айналысып, жөндеу жұмыстарын жасау керек, - деп түсіндірді ШҚО ТЖД баспасөз қызметінде. - Егер онымен ПИК айналыспаса, 112 нөміріне хабарласуға болады. ТЖД комиссиясы келіп, сатының құлау қаупіне баға беріліп, содан кейін шаралар қабылданатын болады.
Тәуелсіздік даңғылы, 78 мекенжайында орналасқан үйге қызмет көрсететін "Нургалиева" ЖК басшысы Рауя Нурғалиева қала тұрғындарын сабырға шақырып, сенім білдірді.
- Саты құламайды, ешқандай қатер жоқ. Ол үш бекіткішке бекітілген, - деп түсіндірді Рауя Нурғалиева.
Оның айтуынша, тұрғындар үйдің төбесін металл профилімен қаптаған. Онда мұз қатқан, салдарынан саты қозғалып, қабырғадан ажырап кеткен.