Өскемен мен ШҚО ШҚМТУ мерейтой құрметіне орай әлем ғалымдарын жинады
Шетелдік ғалымдар, ШҚМТУ ғылыми кеңесінің мүшелері мен түлектері оқу орнының 60 жылдығына арналған мерекелік іс-шараға жиналды
ШҚМТУ-дың мерейтойы қарсаңында "Білім және инновация күні", қазіргі заманда жастарды тәрбиелеу мәселелері бойынша ғылыми зертханалар мен форумдар, көрмелер ұйымдастырылды.
Универсиеттің мерейтойна арналған салтанатты концерт өтті. Сонымен қатар, Германия, Болгария, Венгрия, Польша және басқа елдерінің ғалымдары өз құттықтау лебіздерін білдірді.
- Сіздердің университеттеріңізге алдағы уақытта талпынысы жоғары жаңа стандарттар қоюға тілектеспін. Облыстың игілігі үшін ғана емес, сонымен қатар, бүкіл Қазақстанның гүлденуі жолында еңбек етулеріңізді тілеймін, - деді ШҚО әкімінің орынбасары Әсем Нүсіпова.
Д. Серікбаев атындағы Шығыс Қазақстан мемлекеттік техникалық университеті 60 жылдық мерейтойын атап өтті. Қазақстанның жетекші техникалық жоғары оқу орындарының бірі металлургия, машина жасау, энергетика, сәулет және құрылыс, көлік, ақпараттық жүйелердегі кәсіби мамандарды дайындайды.
