Өскемен мен ШҚО ШҚО-да жылу беріле бастады
Зырян қаласының тұрғындарына жылу беріле бастады. Кешеден бері өңірдегі әлеуметтік нысандарға жылу қосты
Қаланың қазандығы аптаның басында жылумен қамтамасыз етуге дайын болды. Алдын ала болжам бойынша, аймақта күн суытады. Сондықтан Зырян әкімшілігі нысандарды қазірден бастап жылытуға көшкен.
Қыркүйектің 25-іне қарай барлық балабақшалар, мектептер мен ауруханаларға жылу беріле бастайды. Келесі кезекте тұрғын үйлерге беріледі. Мұнда жағдай күрделі. Себебі коммуналдық қызматкерлер тұрғындардың пәтерлеріне жылу беруге дайын болғанымен, барлық үйлер қысқа дайын деуге келмес. Осы уақытқа дейін көппәтерлі үйлердің үштен екісі дайындық туралы актісін бермеген.
- Бізде 16 апатты үй бар. Олардың әрқайсысына мемлекеттік қызметкерлер тағайындалды. Біз олармен арнайы жұмыс жүргізіп жатырмыз, - деді Зырян қаласының әкімі Константин Передельский.
Қала әкімшілігінің айтуынша, 25 қыркүйектен бастап жылытуға толықтай дайын тұрған үйлерге жылу берілетін болады.