Өскемен мен ШҚО Өскемендіктер салық бойынша түбіртектерді күтпегені жөн
Қанша төлеулері керек екендігі туралы құжатты алмаған азаматтар өздері мекемеге барып, салық сомасын білулері керек
Бұған дейін жер, мүліктік салықтары көрсетілген түбіртектер 15 қыркүйекке дейін әр тұрғынға жеткізілуі керектігі туралы жазған болатынбыз. Алайда айдың үшінші онкүндігі басталса да, азаматтардың көбі қанша салық төлеуі керектігін де білмейді.
Өскемен қалалық мемлекеттік кірістер басқармасы хабарлағандай, тұрғындар телефон арқылы немесе мекемеге бара отырып, қарыз сомасын білгендері абзал.
- Біз түбіртектерді тасымаймыз, - дейді жеке тұлғалармен жұмыс бөлімінің басшысы Рахат Әсетов. - Бұл іспен Бұқаралық спортты дамыту орталығы айналысады.
Оның айтуынша, хабарландырулар иесіне дейін жетпей қалуы да мүмкін.