Жүргізуші тізгінге ие бола алмай, соғылып қалды
Кеше Өскемен-Самар тас жолында оқыс жол-көлік оқиғасы орын алды
19 қыркүйек күні Ұлан аудандық АІІБ шұғыл арнасына Мамай батыр ауылы маңында Өскемен-Самар тас жолында орын алған жол-көлік оқиғасы туралы хабарлама түсті.
ШҚО ІІД баспасөз қызметі хабарлағандай, қаладан Самар ауылына қарай бет алған MITSUBISHI AIRTREK көлігінің 59 жастағы жүргізушісі тас жолдың 21-ші шақырымында алдағы көлікті басып озамын деп, көлік тізгініне ие бола алмай, тас жолдан шығып кетіп, аударылып қалған.
ЖКО фактісіне қатысты ҚР ҚК 345-бабы 3-бөлімі бойынша сотқа дейінгі тергеу басталды.