Өскемен мен ШҚО Жасөспірім қызды өлтіріп кеткен
Өскемен қаласында зорлықпен өлтірілген 14 жастағы жасөспірімнің мәйіті пәтерден тауып, полицияға хабар берген
Қала тұрғындарына мессенджерлер арқылы жасөспірім қыздың өліміне күдікті бозбалаға іздеу жарияланғандығы туралы хабарламалар таралған. ЖМК ауданындағы Есенберлин көшесіндегі үйлердегі пәтерлердің бірінен көршілері жас қыздың мәйітін тауып алғандығы туралы суыт хабар тез таралып үлгерді.
ШҚО ІІД кеше кешкі сағат тоғыз шамасында 102 арнасына қинап өлтірілген қыздың денесі табылғандығы туралы хабар түскенін мәлімдеді.
- Жағдайды анықтау барысында марқұмның 2003 жылғы және Өскемен қаласының тұрғыны екені анықталған, - деп хабарлайды мекеменің баспасөз қызметі. - Шұғыл-тергеу жұмыстары барысында полиция қызметкерлері күдіктінің кім екенін анықтады. Ол 18 жастағы қала тұрғыны болып шыққан.
Тәртіп сақшыларының сөзіне сүйенсек, қазіргі таңда ҚР ҚК 99-бабы бойынша сотқа дейінгі тергеу басталып, мамандар тиісті сараптама жұмыстарын жүргізуде.
Күдікті уақытша қамау изоляторына тоғытылды.
