ШҚО-да тағы бір демалыс базасы мен балалар сауықтыру лагері ашылады

Демалыс базасын салып жатқан мердігер бір айдың ішінде 15 ағаш үйды салып үлгерген, тағы 15 үйді қазан айына дейін салып бітіруді ойлап отыр.

"Мұзтау" ЖШС мердігер ұйымы басшысы Жанболат Қазановтың айтуынша, демалыс базасы жыл он екі ай жұмыс істемек. Жазда суға шомылуға болса, қыста балық аулауға болады. База ішінде спорт алаңы мен мейрамхана салынады.

- Құрылыс нысандары еуропалық стандарт бойынша салынғаны жөн. Мәселен, Алакөлді алып қарайық. Қазірдің өзінде Алакөлге 450 мың адам демалыс қайтты, маусым аяқталғанша 600 мыңға жетеді деп отырмыз. Үржар ауданы халқының жартысы Алакөлдің демалыс базаларында жұмыс істейді. Бұқтырмада да демалыс базалары көбейсе, халыққа жұмыс табылады, - дейді Даниал Ахметов.

Приморское ауылында балаларға арналған сауықтыру лагері де салынып жатыр. Жоба бойынша, лагерь қыркүйек айына дейін ашылуы тиіс. Мұнда 50 бала демала алады.