Шығыстағы тас жолдың бойында аю жүр

Көліктер ағылып жатқан тас жолдың бойымен нағыз аюдың келе жатқанын автожүргізушілердің бірі түсіріп алған. Енді бұл жазба WhatsApp желісі арқылы кең тарауда

Куәгерлер Өскемен-Самар тас жолы бойында Қалба жотасының иесі адамдардың арасына шыққанын жазып жатыр.

Ал табиғатты қорғау инспекторлары Самар ауданының табиғаты жан-жануарға бай, соның ішінде қоңыр аю да мекен ететіндігін алға тартады.

- Бейнежазбаға түсіп қалған аю тас жолға жақын маңайды паналауы мүмкін. Онда, тіпті, тұяқтылар мен жабайы құстар да бар. Алайда видеодан ғана көріп, оның қай аумақты мекен ететінін ажырату қиын, - дейді Табиғи ресурстар және табиғатты пайдалануды реттеу басқармасының жануарлар әлемін қорғау бөлімі мамандары.

Мамандар бейнежазбаны түсірген азаматтар хабарласып, жазбаның қай жерде түсірілгенін нақтыласа деген ниетте.

Тақырыптар: Медведь на трассе в ВКО Медведь в ВКО Дороги в ВКО