Өскемендіктер Наурыз мейрамын ерекше атап өтуде

Концерттер мен ойын-сауықтық бағдарлама түрлі жастағы адамдар мен олардың қызығушылықтарына арналған.

Борис Александров атындағы Спорт сарайында ауқымды бағдарламаны "Казцинк" мекемесі ұйымдастырды. Кез келген мүдделі тұлғалар спорт жарыстарына қатыса алды. Жеңімпаз тұрғындарға сыйлықтарды халық қошеметтейтін "Торпедо" клубының хоккейшілері табыс етті. Көрермендер вокалдық және хореографиялық ұжымдардың қойылымдарына дән риза болды. Концерттік бағдарламаның ең кішкентай қонақтарын аниматорлар мен қуыршақтар қарсы алды. Іс-шараның қызығы - ең үлкен және дәмді бауырсаққа арналған конкурс болды. Кейінірек анықталатын жеңімпазға LED-теледидарын сыйлыққа бермек!

Негізгі мерекелік бағдарлама орталық алаңда өтті. Қонақтарды киіз үйлер қалашығы, театрландырылған қойылымдар, отандық өнер жұлдыздары мен Ресейдің шығармашылық ұжымдарының, сондай-ақ, Өскемен қаласының әртістеріңің қатысуымен концерт күтіп тұрды. Сонымен қатар алаңда спорттық және бұқаралық іс-шаралар, мерекелік сауда, қолөнер көрмесі, ал Sulpak сауда үйінің жанында Көкпекті, Ұлан аудандары мен Өскеменнің шығармашылық ұжымдары өнер көрсетті. Сондай-ақ, ауылшаруашылық жәрмеңкесі және палау байқауы да өтті.

Кешкі сағат 18.00-де қала орталығында қазақ эстрадасының жұлдыздары - Парвиз Назаров, Айқын Төлепберген, Мақпал Исабекова және Килиманджаро тобы өнер көрсетпек. Фестиваль жастар дискотекасымен аяқталады. Сондай-ақ, бұл күні Согра (ТМК) тұрғындары мен Металлургтер мәдениет сарайының тұрғындары үшін халықтық мерекелер өтеді.