Өскемен мен ШҚО Биыл облыста жаңа оқулықтарды сатып алуға 1,1 млрд теңге қаржы жұмсалмақ
Жаңа оқу жылының басында Назарбаев зияткерлік мектебінің үлгісінде жабдықталған пән кабинеттері қолданысқа беріліп, мұғалімдер дайындықтан өтпек
Облыс әкімі Өскемен мен Семей қалаларындағы білім сапасын тексеретін кешенді комиссия құру туралы тапсырма берді. Бұған былтырғы ҰБТ кезінде қала мектептерінің ауыл мектептерімен салыстырғанда аз ұпай жинауы себеп болған.
Облыста білім беру саласына қомақты қаржы бөлініп жатса да, білім сапасы жақсара қоймады. Ендігі кезекте құрылған комиссияның мұның себебін анықтамақ.
- Биыл үшінші, алтыншы, сегізінші сынып оқушыларына арналған жаңа оқулықтарды сатып алуға 1,1 млрд теңге жұмсалады, - дейді облыс әкімінің орынбасары Әсем Нүсіпова.
