Полицейлер рейд жүргізіп, мас жүргізушілерді ұстады
Республикалық "Қауіпсіз жол" жедел алдын алу шаралары барысында тәртіп сақшылары патрульді наряд санын өсіріп, жол жүру ережелерін бұзған ондаған жүргізушілерді ұстаған
Айта кету керек, жедел шаралар барысында жол жүру ережесін сақтамаған жаяу жүргіншілер де назардан тыс қалмады.
Полиция көлік құралын мас күйінде жүргізген 28 жүргізушіні ұстады. Мұнымен қоса, жүргізуші куәлігінен айырылған 10 жүргізуші тағы ұсталды.
- Облыс тұрғындарының басым бөлігі қауіпсіздік белбеуін тағынбағаны үшін әкімшілік жауапқа тартылады, - деп хабарлайды ШҚО ІІД баспасөз қызметі. - Облыс бойынша бұл ережелерді бұзған 150 адам анықталды. Сол сияқты 90 жүргізуші автокөлікті жүргізу барысында ұялы телефон пайдаланғаны үшін, ал 14-і бағдаршамның тыйым салынған белгісінен өтіп кеткені үшін ұсталған.
Жол қозғалысы ережелерін бұзғаны үшін 172 жаяу жүргінші жауапкершілікке тартылды.