Өскемен мен ШҚО Бұқтырмаға көлік батып кетті – жүргізуші көз жұмған
Көліктегі екі жолаушы судан шығып үлгергенімен, жүргізуші көліктен шыға алмай қалған
Сенбі күні Күршім ауданындағы Алғабас ауылынан 4 шақырым жерде Ниссан Алмера көлігі суға батып кетті, деп хабарлайды Устинка LIVE.
Үш ер адам да Өскемен қаласынан келген.
- Балықшылар мұздың үстіне шығып, қамыс өсіп тұрған жермен аяңдап жүрмек болған. Алайда ауыл тұрғындарының барлығы қамыстың жанында бұлақ бар екендігін біледі. Бұл жерде мұз жұқалау. Кейін мұз шытынап, көлік суға кеткен. 52 жастағы екі ер адам суға секіріп, көліктен аман шыққанымен, 68 жастағы ер адам көліктен шыға алмай қалған, – деп хабарлайды Облыстық ТЖД баспасөз қызметі.
Зардап шегушілер өздері құтқарушыларға хабарласқан. Күн қараңғы болып кеткендіктен, мәйітті іздеу жұмыстары ертеңге шегерілген. Ал ертеңінде құтқарушылар судан 68 жастағы ер адамның мәйітін тапқан.
