Қақпанға түскен итті бір апта бойы ұстай алмауда

Тұрғындар итке Ай сәулесі деген есім беріп, өз күштерімен ұстап көрмек болған. Бірақ қатты ауырсынып жүрген жануар адамдардан өзін алшақ ұстауда. Ауыл тұрғыны Майя Кизикова әлеуметтік желіден көмекке шақырады. Әйел итті ұстап, ветеринариялық емханаға апаруға көмек сұрайды. Ауыл тұрғыны төбетті емдеуге арналған алғашқы төлемді өзіне алуға дайын. - Оны өзім ұстап көрмек болдым. Тамақпен алдап шақырып көрдім. Түк пайда шықпады – ит қорқады, - дейді Майя Кизикова. - Ұйықтатып тастайтын дәрілері бар ау деп, полицияға хабарласып едім, олар күліп, әкімдікке бағыттады. Ол жерде мұндай иттерді атып тастайтын, жануарларды ұстау қызметіне баруымды сұрады. Ай сәулесін құтқаруға ниет білдірушілер Өскемен қаласынан табылды. Қала тұрғындары кинологтардың қызметін төлеп берді. Бүгін жануарды мамандар аулап көрмек. Майя болса итке көмектескісі келетіндерге +7 705 500 6745 нөміріне хабарласуды сұрайды.