Өскемен мен ШҚО 
Мұражай-қорық директоры қызметіне қайта келуі мүмкін
Еңбек шарты аяқталғанға дейін қызметінен босатылған экс-директор Николай Зайцев Мемлекеттік еңбек инспекциясы басқармасына арыз берді.
ШҚО Мәдениет, мұрағат және құжаттама басқармасы шешім қабылдау үшін келісім комиссиясын құруды көздеп отыр. Комиссия құрамына Николай Алексеевичтің әріптестері мен Мәдениет басқармасының қызметкерлері кіреді. Жұмыстан шығару туралы бұйрыққа қол қойған мекеме басшысы Азамат Мұхамедчинов комиссияға қатыса алмайды.
Айта кету керек, билік өкілдері Николай Зайцевтің еңбегін бағалап, Қазақстан халқы Ассамблеясының 25 жылдығына орай марапат сыйлау үшін қалалық әкімдікке шақырған. Николай Зайцев бұл шараға түсінікті жайттар бойынша, қатысқысы келмеген.
