Өскемен мен ШҚО Қазпошта ғаламтор саудасына арналған ыңғайлы карта жасап шығарды
Ұлттық пошта байланысының операторы бұл жобаны жаһандық AliExpress сауда алаңымен бірлесе отырып жүзеге асырды
Картаға тапсырыс беріп, оны алуға екі-үш күн уақыт кетеді. Карта иелері Қазпошта терминалдары арқылы қаражатты шешіп немесе толтыра алады. Сол сияқты SMS-хабарландыру қызметін қосып, оны тегін пайдалануға да болады.
- Мұндай картаны рәсімдеу үшін Өскемен қаласы Қасым Қайсенов көшесі, 57-үй мекенжайындағы кеңсеге жүгіну керек. Жеке куәлік болса болғаны, экспресс-картаны бірден аласыз. Ал негізгі картаны 3-4 күн күту керек. Бірақ олардың қызметі бірегей, - дейді ШҚО «Қазпошта» АҚ филиалының карталық секторында.
Жаңа карта арқылы атақты қытай сайтынан қажетті дүниелер сатып алып, бонусқа ие болуға болады. Әр сатып алынған заттың құнынан 1,5 пайыз жеке есепшотқа түсіп отырады. Ал 2 қарашадан 24 желтоқсан аралығында 1500 долларға операция жүргізгендер, 5000 долларлық ұтысқа қатыса алады. Картаны рәсімдеп, post.kz сайтында бірден бірнеше операцияны жүргізген 100 адам 25 желтоқсан күні 100 долларлық сертификат ұтып ала алады.