Өскемен мен ШҚО Жас жігіт 24 жастағы досына пышақ ұрған
Ауыр жарақат алғандықтан, жігіт ауруханада көз жұмды.
Оқиға 3 қараша күні түні Зырян ауданында болған. Араққа сылқия тойып алған екі достың арасында кикілжің пайда болған. Кімнің-кім екенін анықтап болған жігіттердің кикілжіңі төбелеске айналып, оның бірі қолына пышақ алып шығып, екіншісінің денесіне бірнеше жерден сұғып жіберген.
Доңайбат көрсеткен қарулы жігіт досының кеудесі мен ішіне пышақ ұрған. Дәрігерлер жас жігіттің өмірін алып қалу үшін қанша арпалысқанымен, оны құтқарып қала алмады.
Ал полицейлер күдіктіні ұстап алды. ШҚО ІІД баспасөз мәліметіне сүйенсек, аталған оқиға бойынша қылмыстық іс басталған.
