Өскеменде КамАЗ бен жеңіл көлік соқтығысып, үш адам қаза тапты

Оқыс оқиға Шешек асуына жақын маңда орын алған. Куәгерлердің айтуынша, КамАЗ жүк көлігінің жүргізушісі қарсы жолаққа шығып кетіп, жеңіл көлікке соғылған. Соққыдан жүк көлігі аударылып кетсе, жеңіл көліктің жүргізушісі мен екі жолаушы оқиға орнында қаза тапқан. Ал жүк көлігінің жүргізушісі ауыр жарақат алып, ауруханаға жеткізілді. Қазіргі таңда құқық қорғау органдары оқиғаның мән-жайын анықтауда. Алдын ала болжам бойынша, апатқа жүк көлігі жүргізушісінің жол жүру ережелерін сақтамауы себеп болса керек.