Облыс полицейлері «биші» көліктің жүргізушісін ұстады

Үржар ауданының полицейлері Мақаншы ауылы маңында өтіп бара жатқан жүк көлігінің, әдеттегідей, түзу емес, шалқақтап кетіп бара жатқанын байқаған. Көлікті тоқтатқан.

Кейін белгілі болғандай, 41 жастағы «биші көліктің» жүргізушісі мас болып шыққан. Ең қызығы, бұл азамат 2015 жылы ішімдік ішіп көлік басқарғаны үшін жүргізу куәлігінен үш жылға айырылған екен. Ал жүргізуші болса, куәлікті алмай-ақ, көлік басқарып жүре берген.

Ендігі уақытта аталған жүргізушіге қатысты қылмыстық іс қозғалмақ.