Өскемен мен ШҚО Өскеменде жылы аялдамалар салынады
Жылы әрі ыңғайлы аялдамалар адамдар көп жиналатын жерде салынбақ
Аялдамалардың бірі ЖМК ауданында, Ана мен бала орталығының алдында орналастырылса, тағы бірі Орталық базар алдында қойылмақ.
- Бұл жерлерде адамдар көп жиналатындықтан, осы аялдамаларды жөндеуді жөн көріп отырмыз. Ақша бөлінген, қазіргі уақытта жер мәселелері шешілуде, - дейді Өскемен қаласы ТҮКШ бөлімінің басшысы Асқар Жақсылықов.
Айта кетейік, Өскемен қаласында жылы аялдамалар салу жұмысы былтыр басталған еді. 2016 жылы үш жылы аялдама салынды. Оның бірі «Спорт Сарайы» аялдамасы болса, тағы бірі «Көлік басқармасы» маңында, бірі Куленев кентінде салынған еді. Қазіргі уақытта аялдамалар жабық тұр. Өйткені бұл аялдамалардың бірінен біреулер уай-фай роутерді ұрлап кеткен.
