Өскемен мен ШҚО Өскеменде 27 жасар жігіт жоғалды
Қанат Қаспақовтың туған-туыстары осымен екі апта бойы жас жігітті таба алмай отыр
Туыстарының айтуынша, Қанат Қаспақов 24 сәуір күні Алматы облысынан Өскемен қаласына оралған. Ал 25 сәуір күні жалдап жатқан пәтерінен шығып Тәуелсіздік көшесіне кеткен. Содан бері оны ешкім көрмеген.
- Ұялы телефоны өшірілген, байланысқа да шықпады, - деді жас жігіттің ағасы Құрмет Қаспақов. - Таныстарының барлығынан сұрастырдық, еш хабар жоқ. Қазіргі кезде Үшарал қаласында іссапардамын, полицияға әлі арыз бермедім. Қала тұрғындарынан көмек сұраймын. Көрген біреулер болса хабарласса екен. Анам жылап отыр. Арамызда ешқандай дау болмаған, ешкімнен қарыз алмаған.
Қанат Қаспақовтың нақты қандай киім киіп жүргені жайында туыстары ақпарат бере алмады. Дегенмен қара джинса, ақ футболка және «Найк» кроссовка киіп жүруі мүмкін. Көрген-білген адам болса 8-707-319-99-30 немесе 102 нөміріне хабарласуын өтінеміз.
