ШҚО-да демалыс күндері өрттен үш адам қаза тапты

Аягөзде Береговой көшесіндегі жеке үйдің тұрғыны 70 жастағы мүгедек жұбайын қалдырып өзі дүкенге шығып кеткен. ШҚО ТЖД мәліметі бойынша, әйел үйіне оралғанда үйі толығымен жанып кеткен. Жанып жатқан үйден өз бетінше шығуға егде ер адамның шамасы жетпеген. Өрт сөндірушіні көршілері шақырған. Көмекке келген өрт сөндірушілер жалынды өшіргенде үй иесінің мәйітін жатын бөлмесіндегі кереуеттің үстінен тапқан, деп хабарлайды Устинка Live тілшісі. Орын алған оқиғаның себебін мамандар анықтауда.

Опытный поля ауданында да жеке тұрғын үй жанып кеткен. Болып жатқан өртті байқаған көршілері өрт сөндірушілерді шақырып, өздері 65 жастағы үй иесін құтқаруға шыққан. Көршілері оны далаға өрттен алып шығады. Өкінішке орай, әйелді құтқару мүмкін болмады. Себебі ол улы газдан иістеніп қалған. Кейінірек көршілердің айтуынша зейнеткер өз еркімен өрттеншықпақ болған. Бірақ есікке таяп қалғанда шамасы келмей құлап қалған. Тағы бір тілсіз жау Қарағайлы ауылында орын алған. Жеке үйде ер адам жанып кеткен. Өрт сөндірушілерді шақырған көршілердің айтуынша бұл күні үй иесінің үйінде қонақтар болған. Отырыстан соң барлық қонақтар тарап үй иесі жалғыз өзі қалған. Өрт сөндірушілер келгенде ер адам өлі күйінде табылған.