Өскемен мен ШҚО 
Өскемендегі Сәтпаев даңғылын 2017 жылы кеңейтеді
ЖМК орталық даңғылын көркейту жұмыстары нөсер канализациясын жөндеуден басталады
Бүгін қалалық мәслихаттың кезекті сессиясында Өскемен қаласының әкімі Ерлан Айтмұқашев депутаттарға есеп беру барысында, Сәтпаев даңғылындағы көліктік бітелімдер мәселесі қалай шешілетінін айтты.
Қала басшысының айтуынша қаланың Солжағалаулар бөлігіндегі орталық транспорттық артериясын кеңейту, сонымен қатар оның бойындағы, тағы бір нөсер канализациясын салу жобасы дайындалып қойған.
- Бірінші кезекте носер канализациясын жасауымыз керек, - деді облыс орталығының басшысы. – Бұл жобаға республикалық бюджеттен қаражат сұрадық, бізге келісім берді. Сондықтан жұмысты келесі жылдан бастап, егер техникалық мүмкіндік болса қатарынан Сәтпаев даңғылын кеңейтуді қолға аламыз.
Құрылыс және жол қызметкерлері бұл міндетті қанша уақыт аралығында аяқтайтынын қала басшысы нақтыламады. Алайда билік 2018 жылы өскемендіктерді кептелістен шығаруға уәде берді.
