Өскемен қаласының әкімі болып Ерлан Аймуқашев тағайындалды

- Ерлан Қапарұлы өзінің жұмыс жолын Павлодар қаласындағы университеттен бастады. Кейін спорт саласындағы департаменттің басшысы, Павлодар облысы әкімінің, Примьер-министрдің көмекшісі болды. Осы лауазымға дейін ШҚО әкімі аппаратының басшысы болды. Сондықтан мен оның Өскемен қаласын басқара алатынына сенімдімін. Қала әкімі болуға Ерлан Қапарұлының тәжірибесі жеткілікті, - деді жаңа қала басшысын таныстырған ШҚО әкімі Даниал Ахметов.

Автив алдында сөз алған Ерлан Аймуқашев қаланы көркейту жолында талмай еңбек ететінін айтты.

- Менің білімімен біліктілігімді Елбасымыз қойып отырған міндеттерді жүзеге асыруға жұмсайтын боламын. Алдағы уақытта әкімдік ұжымымен, қалалық актив және депутаттар алқасымен қаламызды дамыту мақсатында бірлесе жұмыс істеймін, - деді Өскемен қаласының жаңа әкімі Ерлан Қапарұлы.

Ал Өскемен қаласының экс-әкімі Темірбек Қасымжанұлының қандай лауазымды иеленетіні алдағы уақытта белгілі болады.