Қазақстан ШҚО-да "Қазақстан оқушысы-2022" веложарысы өтіп жатыр
Шығыс Қазақстан облысында "Қазақстан оқушысы-2022" 52-ші республикалық дәстүрлі көпкүндік велосипед жарысы өтуде
"Қазақстан оқушысы" республикалық веложарысы Шығыс Қазақстан облысында 2000 жылдан бері өткізіліп келеді.
Жарыстың тек Шығыс Қазақстанда өткізілуіне жергілікті жер бедерінің мұндай жарыстарды өткізуге қолайлы болуы себеп. Сонымен қатар, қатысушылар да елдің шығысына қуана-қуана келеді, - деді ҚР Білім және ғылым министрлігінің Дене шынықтыру Ұлттық ғылыми-практикалық орталығының спорттық іс-шаралар статистикасы және талдау бөлімінің басшысы Мира Мухамадиева.
Биыл веложарысқа еліміздің 12 облысынан 82 қатысушы келді.
Жарыс 8 кезеңнен тұрады. Топтық, таудағы, жазықтағы жарыстар болады. Бірнеше жарыс Ушанов ауылында, ал жеке жарыс Боровский тас жолында өтеді, - деп бөлісті ШҚО Велосипед спорты федерациясының президенті Елена Нитяжук.
Жарыс қатысушыларын жол полициясы, жедел жәрдем және қолдау машиналары бақылап жүреді.
