Қазақстан РФ ЖОО дипломдары келер жылы Қазақстанда жарамды бола ма?
Ресей университеттері Болондық білім беру жүйесінен шығарылды. Бұл 2023 жылы Ресей университетінің магистратурасын бітіргеннен кейін Қазақстандағы дипломды тану тәртібіне қалай әсер етеді?
Бұл сауал электронды үкімет сайтында қойылды, деп хабарлайды Zakon.kz. Сондай-ақ ресейлік магистр дәрежесін мойындамау немесе қиындықтардың туындауы туралы сұрақ қойылды.
Бұған Қазақстан Республикасы Білім және ғылым министрлігі білім туралы құжаттарды тану тәртібі мемлекеттік көрсетілетін қызмет болып табылады және білім туралы құжаттарды тану және нострификациялау қағидаларымен реттеледі деп жауап берді.
Олар қолданыстағы ережелерге өзгерістер енгізіліп жатқанын атап өтті. Бұл мемлекеттік қызметті Болон процесі және академиялық ұтқырлық орталығы көрсетеді.
Қазақстанда тану рәсімі халықаралық және ұлттық нормативтік актілер негізінде жүзеге асырылады. Қазақстан Республикасы Еуропалық аймақтағы жоғары білімге қатысты біліктіліктерді тану туралы конвенцияға – Лиссабон конвенциясына қол қойды.
Қазақстан ратификациялау сәтінен бастап осы Конвенция қағидаттарын іске асырудың барлық параметрлерін сақтайды. Ресей сонымен қатар 2000 жылдың 1 шілдесінен бастап Жоғары білім беру біліктілігін тану туралы Лиссабон конвенциясының қатысушысы болып табылады.
Білім министрлігінде атап өткендей, қазіргі уақытта Ресей Федерациясының білім беру ұйымы берген білім туралы құжаттар Қазақстан Республикасының аумағында тану рәсіміне жатады.