Қазақстан Қазақстандық студенттерге шәкіртақыны көтеру уәде етілді
ҚР Ғылым және жоғары білім министрлігі биы күзде мемлекеттік стипендияларды тағайындау, төлеу және олардың мөлшері ережелерін өзгертеді
2022 жылдың 1 қыркүйегінен бастап Қазақстанда студенттердің шәкіртақысы көтеріледі, деп хабарлайды Zakon.kz сайты.
Мемлекеттік грантта білім алушылар мынадай мөлшерде төлем алатын болады:
ЖОО студенттері-36 660 теңге (қазір олар 31 423 теңге алады);
Педагогикалық бағыттар және "денсаулық сақтау" бағыты бойынша білім алатын ЖОО студенттері - 58 800 теңге (қазір олар 50 400 теңге алады);
Интерндер - 61 660 теңге (қазір олар 59 289 теңге алады);
Магистранттар - 86 987 теңге (қазір олар 76 950 теңге алады);
"Назарбаев университетінде" оқитын магистранттар – 162 500 теңге (қазір олар 143 750 теңге алады);
Докторанттар - 195 000 теңге (қазір олар 172 500 теңге алады);
"Денсаулық сақтау" бағыты бойынша докторанттар – 195 000 теңге (қазір олар 172 500 теңге алады);
"Денсаулық сақтау" бағыты бойынша дәрігер-резиденттер мен магистранттар – 100 036 теңге (қазір олар 88 494 теңге алады);
ҚР Жоғарғы Соты Жанындағы Сот төрелігі академиясының мемлекеттік органдардан оқуға жіберілген магистранттары - соңғы жұмыс орны бойынша лауазымдық жалақы деңгейінде, бірақ мемлекеттік білім беру тапсырысы бойынша оқитын магистранттар үшін белгіленген мемлекеттік стипендия мөлшерінен төмен емес;
Техникалық және кәсіптік білім беру ұйымдарында жұмысшы мамандықтары бойынша оқитын студенттер – 21 787 теңге (өзгеріссіз).
Сондай-ақ, Қазақстанда шәкіртақыны кассалар арқылы төлеуге тыйым салынды, енді студенттер банкте немесе "Қазпошта"АҚ-да арнайы шот ашуға міндетті. Ведомствода оқушылар шот бойынша операциялар үшін комиссия төлемейтінін атап өтті. Құжаттың толық мәтінімен 29 маусымға дейін "Ашық НҚА" сайтында танысуға болады.
