Қазақстан ШҚО-да 200 миллионға жуық ағаш отырғызылмақ
Өңірді көгалдандыру жоспары бес жылға есептелген, өткен жылы алғашқы 18 миллион көшет отырғызылды
Екі жыл бұрын Президент Қасым-Жомарт Тоқаев "Қазақстан жаңа жағдайда: іс-қимыл уақыты" атты Қазақстан халқына Жолдауын жариялап, онда елді көгалдандыру бағытын белгіледі, деп хабарлайды Устинка LIVE тілшісі. Оның айтуынша, 2021-2025 жылдары Қазақстанда 2 миллиард ағаш отырғызылады.
Біздің өңірде 41 гектарға 197,6 миллион көшет отырғызу жоспарлануда:
- облыстың орман қорында (13 орман шаруашылығы) – 15 мың га алаңда 76 млн ағаш;
- ерекше қорғалатын табиғи аумақтарда (МҰТП "Катонқарағай" РММ, "Семей орманы МОТР" РММ) -25,6 мың алаңда 121,6 млн ағаш отырғызылды.
2021 жылы 3841 гектар алқапқа 18 миллион көшет отырғызылды, оның ішінде ШҚО орман шаруашылықтарында 513 гектар алқапқа 2,4 миллион көшет отырғызылды.
Өткен жылы жоспар толығымен орындалды. Биыл 8 орман мекемесінде 2570 га (жоспар бойынша 2546 га) жобалау-іздестіру жұмыстары жүргізілді. Қазіргі уақытта топырақ үлгілерін өңдеу жүргізілуде. Орман питомнигінде 10 га алқапта 1087 кг негізгі орман құрайтын ағаш тұқымдары себілді, - деп атап өтті ШҚО Табиғи ресурстар және табиғат пайдалануды реттеу басқармасы.
Мамандардың айтуынша, 2023 жылға қарай бұл 1537 гектар алқапқа орман дақылдарын отырғызуға мүмкіндік береді.
