Қазақстан Қазақстанда тұрмыстық және өнеркәсіптік қалдықтардың 43 заңсыз үйіндісі табылды
Бас прокуратураның мәліметінше, Ақтөбе ферроқорытпа зауыты экологиялық рұқсаты жоқ кәсіпорындарға 150 мың тоннаға жуық қауіпті қалдықтарды берген
Бас Прокуратура уәкілетті органдардың экологиялық заңнама нормаларын сақтауын тексерді. Прокурорлар кәсіпорындардың өнеркәсіптік қалдықтарды белгіленген орындардан тыс, кәдеге жаратусыз және қайта өңдеусіз орналастыруының 43 фактісін анықтады.
Соңғылары, өз кезегінде, қайта өңдеусіз оларды тікелей қалада ашық жерлерде орналастырды. Қадағалау актісі бойынша кінәлілер әкімшілік жауапкершілікке тартылды. 80 млн теңге шығын өндірілді. Бұдан басқа, зауытқа қоршаған ортаға эмиссия үшін 1,6 млрд теңге мөлшерінде төлем есептелді, - деп атап өтті ведомствода.
"Қазақстан Ғарыш Сапары" ғарыштық мониторингінің деректері бойынша елді мекендерде жыл сайын 9 мыңға дейін заңсыз полигон құрылады.
Алматы қаласының прокуратурасы Алатау, Медеу және Түрксіб аудандарының аумағынан коммуналдық және өнеркәсіптік қалдықтардың 17 көміндісін тауып, тұрғындардың жергілікті әкімдіктерге негізді наразылығын тудырды. Қазіргі уақытта стихиялық полигондар жойылды, делінген ақпаратта.
Бас прокуратураның мәліметінше, жіберілген кемшіліктер үшін Ақтөбе, Алматы, Шығыс Қазақстан, Қызылорда, Павлодар облыстары мен Алматы экология департаменттерінің басшылары, сондай-ақ бейінді министрліктің лауазымды тұлғалары тәртіптік жауапкершілікке тартылды.
Экологиялық инспекторлар бюджетке шамамен 33 млрд теңге экологиялық залал, сондай-ақ 12 млрд теңге сомасына әкімшілік айыппұл өндіріп алды. Тексеру қорытындысы бойынша Үкіметке заң бұзушылықтарды жою туралы ұсыныс енгізілді, - делінген хабарламада.