Қазақстан ШҚО-да қант тапшылығы мен қымбаттауы бойынша жағдай тергелуде
Монополияға қарсы басқарманың қызметкерлері көтерме саудагерлерді бағалық сөз байласу мәніне талдау жүргізеді және тексереді
Өскемен қаласы әкімінің орынбасары әлеуметтік маңызы бар азық-түлік тауарларын, соның ішінде қантты көтерме сатуды жүзеге асыратын нарық субъектілерімен өткізген кеңеске ШҚО бәсекелестікті қорғау департаментінің қызметкерлері де қатысты, деп хабарлайды Устинка LIVE тілшісі.
Кездесу мен тергеуге өңірге жеткізу көлемінің төмендеуі, сатып алу сұранысының күрт артуы және қант бағасының өсуі себеп болды, - деп атап өтті ШҚО бойынша Бәсекелестікті қорғау департаментінде. - Біз сатушыларды бәсекелестікті қорғау және қант бағасының негізсіз өсуіне жол бермеу саласындағы ҚР қолданыстағы заңнамасына қатаң сәйкестікте өз қызметін жүзеге асыру қажеттілігі туралы, сондай-ақ осы нормаларды бұзғаны үшін жауапкершілік көзделетіні туралы ескертті.
Қазіргі таңда қант сатудың тауар нарығындағы бәсекелестік ортаның жағдайына талдау және бағалау жүргізіліп, сұраулар жолданды. Бәсекелестікті қорғау саласындағы ҚР заңнамасын бұзу фактілері анықталған жағдайда тиісті ден қою шаралары қабылданатын болады.
Бәсекелестікке қарсы келісімдер, келісілген іс-әрекеттер нәтижесінде қант пен басқа да азық-түлік тауарларына бағаны алыпсатарлық көтеру, сондай-ақ үстем жағдайды теріс пайдалану монополиялық табысты тәркілей отырып, табыстың 3-5% мөлшерінде айыппұл салуға әкеп соғады, - деп еске салады монополияға қарсы қызметкерлер.