Қазақстан Қасым-Жомарт Тоқаев Ұлттық құрылтай құруды ұсынды
ҚР Президенті жаңа құрылым Ұлттық кеңестердің қызметін жалпыхалықтық деңгейде жалғастыратынын атап өтті
Бүгін Парламент палаталарының отырысында Мемлекет Басшысы Қасым-Жомарт Тоқаев Ұлттық құрылтай құруды ұсынды, деп хабарлайды сайт NUR.KZ.
Біз бірлігіміздің негізіне айналған дала демократиясының дәстүрлерін жаңғыртуға тиіспіз, ұлттық Кеңестер, қоғамдық сенім Кеңестері өздерінің функцияларын табысты орындады. Енді олардың орнына құрамы ауқымды Ұлттық құрылтай құруды ұсынамын, - деді Мемлекет басшысы.
Құрылтай қоғамдық диалогтың бірыңғай институционалдық моделін жасайды.
Ол билік пен халық арасындағы байланыстырушы буын болады. Жиналыс барлық облыстық қоғамдық кеңестерді өзіне шоғырландырады, - деп толықтырды ҚР Президенті.
Ұлттық құрылтайдың құрамына барлық өңірлердің өкілдері, сондай-ақ кейбір Парламент депутаттары, ҚХА, Азаматтық альянс, қоғамдық кеңестер мен ұйымдар мүшелері, белгілі қоғам қайраткерлері, өндіріс және ауыл шаруашылығы қызметкерлері, бизнес өкілдері және басқа да азаматтар кіреді.
Осылайша, әр түрлі пікірлердің барлық өкілдерін қамтитын өкілдік құрылым қалыптасады. Ұлттық құрылтай мүшелері маңызды мәселелерді талқылау үшін тұрақты негізде жиналатын болады, - деді Қасым-Жомарт Тоқаев.
